Wim Windhorst
Vastelaovessezoen 1958
In 1958 wäordje väör de ieërste kieër de ‘scepter van noe’ gebroektj. Oppe stasiefoto haet de Vorst nog eine scepter zòonger kop. Op de groepsfoto zeen wae de noewe scepter. In 1958 zooj ouch de zjwaegel bie de vorste-ongersjieginge zeen gehange. Nao de herkomst wäordj nog gezóg.
In 1958 wäördje väör de ieërste kieër de vastelaovendj aafgesjlaote mèt ‘t Kwiebusverbranje. Det Kwiebusverbranje gebäordje op ‘t noewe Spuitjesdomplein. Ein foto is ‘t bewies det Vorst Kwiebus Wim Windhorst det plein geäöpendj haet.
