Waat is oos Naer ein dörpke, ein dörpke klein mer sjoeën.
Ich bön der toch zo grooëts op, det ich in det dörpke wooën.
Het liktj zoë sjooën versjaole, tösse baek, kanaal en Maas.
Ich zal 't nooëts vergaete, wie sjooën 't altied waas.

Waat Naer auch maag prestere, dees drie, soms gekke daag.
De eindracht van de miense, is waat ich prieze maag.
Laot Naer zooë altied blieve, den is ter gein gevaor.
Ich blief van Naer steeds haoje, al wêur ich hongerd jaor.

Waat is oos Naer ein dörpke, ein dörpke klein mer sjooën.
Ich bön der toch zo grooëts op, det ich in det dörpke wooën.
Het liktj zoë sjooën versjaole, tösse baek, kanaal en Maas.
Ich zal 't nooëts vergaete, wie sjooën 't altied waas!