Refrein:
Woa kinse 'm aan kinne, woa kinse 't aan zeen ?
En asse hem huers zinge, geit toch get door dich heen.
De humor en zien bliej gezicht, det zuuse toch geliek.
't Hert van eine Naerse kloptj veur zien Kwiebusriek.
't Hert van eine Naerse kloptj veur zien Kwiebusriek.

Al mier as hongerd joare haet hae zien eige beer,
zien zengers en zien sjutte, meziek duit hem plezeer.
De Maas en auch zien heuvelkes, de baek en 't Leudaal,
waat klinkt der den nog sjoener as zien eige moodertaal.

Refrein

Al in 't paradies, doa kraeg hae de ierste pries.
Det zoot 'm in zien R-re, die roldje wie ein ries.
Hae straeveltj en hae zwaegeltj en is auch nog wal ens waers.
Mer al die kleine dinge meuktj hem toch zoa typisch Naers.

Refrein