Koeplet 1
As de wèkker geit, kroepe wae oos bèdje oet.
Duchtig sjrikke van det ieskaod water inne sjnoet.
Gauw get kóffie en den flink d'r taegenaan,
weer in de file sjtaon oppe autobaan.
Hel getuut en geknipper mèt 't leecht,
den vraog ich mich ; höb ich det ech verdeendj.

Refrein:
Jao, jao, jao, haaje ze ós mer wildj gelaote,
in ein baerevel mèt dich, örges in ein grot.
Den wäördj d'r mèt piel en baog gesjaote,
en zaat ós geine baas achter de vot.
Mèt de hiële sjtam op sjak ed're aovendj,
jao, den waas 't hie altied , hie altied ... Vastelaovendj.

Refrein

Koeplet 2
Alles glaad gesjtraeke, vleege wae van hot nao haar.
Ein vaog in de bóks, alles netjes väör mekaar.
De häörkes net gekeimdj, ein glaad gezicht,
zoë vervulle wae den braaf en troew oos plicht,
Want emes haet 't wèrke oetgedach,
haaje ze dae toch nao de maon gebrach.

Refrein 2x