Refrein:
Gaef gaas, gaef gaas, wae gaon d`r taegenaan.
Gaef gaas, gaef gaas, wae höbbe noe vrie baan.
Gaef gaas, gaef gaas, wae gaon neet aan de kantj.
want de Vastelaovendj is weer in oos landj.
Gaas, gaas, gaas, gaef gaas (2x)

Koeplet 1:
Bie ós hiej, in 't dörpke, kèntj zich eederein.
D'r wäördj ouch ' ns gesjtraeveldj, jao, det vinje wae wal fijn.
Mer is 't vastelaovendj, den kriegs se alles klaor.
Waas 't mer vastelaovendj, 't leefs 't ganse jaor.

Refrein

Koeplet 2:
De meister van 't sjuuëlke loos mich 'ns de les.
'Doe bös 'nne groeate prengel, jao, van dich kumptj niks terecht'.
K'zag: 'jóng mos dich 'ns loeastre, blief röstig en bedaar.
Moog 't toch echt neet lökke, wäör ich gewuen lieëraar'.

Refrein

Koeplet 3:
Ich leep de polonaeze, achter in de rie.
Ut góng mich get te lankzaam, en det maakdje mich neet bliej.
Ich spoodje mich nao väöre, reep:'Jónges, loup ens door'.
T'is noe toch vastelaovendj, wae gaon zelfs door ein moor.