Refrein:
Doot mer ein rundje väör de ganse zaal
Zoe vaol geluk det is toch neet normaal
Det ich dit nog belaeve maag
Dit is eine hiële sjoeane daag
Want wae gaon fiëste biej 't laeve
Daorom wil ich ein rundje gaeve

Koeplet 1:
Unne sjöt dae woor al hiël lang wirkeloos
Det woor neet get woe d'r zelf echt väör koos
Mer toen opèns won hae de laoterie
En hae reep... nao de ganse sjötterie:

Refrein

Koeplet 2:
Leon dae woor al jaore vriegezel
Mer wie d'r May haaj gezeen toen ging 't sjnel
En toen ze haaj gezag: ich haoj van dich,
Reep hae: ....waem drinktj d'r get van mich?

Refrein

Koeplet 3:
Dök zaat de kastelein aan 't buffet
Aan de angere kantj dronk hae den auch ins get
Mer op 't lètst woor hae ouch duchtig zaat
Hae goof toen... väör de ganse kroeg een vaat