Koeplet 1:
Ich höb lèts ein sjoeën kedo gekraege
'ne Scepter en 'n möts mèt 'n vaer
Waekelang höb ich det verzjwaege
Ich kèn neet wachte toet ich oetgeroope waer

En as mein hert den van gelök haos äöverstruimdj,
Bliektj det ich alles, alles höb gedruimdj

Refrein:
Laot mich nog efkes in de waan
Aan mien druime, nae, dao kumtj mich geine aan
As ich druim äöver alaaf
Den geit bie mich ut daak d'r aaf
Zonger druime is ut laeve gaar niks aan
Ich gaon väörluipig efkes door
Ich gaon doordruime wies ut lètste oor
Ich vleeg bienao oet de bocht
't Kèn väör mich neet gek genóg
En waer ich wakker wil ich truuk nao wie 't woor
En waer ich wakker wil ich truuk nao wie 't woor

Koeplet 2:
Ich höb lèts ut LVK gewonne
En goof 'n fieëst waal drie daag langk
Desse dinks wie kriesse 't verzonne
't Waas geneete van de allerhoeëgste plank

Es de wekker geit óm ellef euver ellef,
Den dink ich altied efkes bie mich zellef

Brögk:
Mer wie 't ouch maag loupe en waat d'r auch gebäördj
Mien allerbèste druime blieve roeëd, gael, greun gekläördj

Refrein