Refrein:
De vastelaovesvlinders vlege weer de waereldj in
’t Teiken det ‘t weer beginne geit
’t Ganse zuuje haet noe vastelaovessuperzin
’t Is vastelaovendj waat de klok hiej sjleit
De vastelaovesvlinders vlege weer de waereldj in
En nemes dae nog wachte kèn
op dit grandioze en weergaloze
allersjoeënste fieëst väör ederein
Want de super sjieke en manjefieke
vastelaovendj is hiej nummer ein

Koeplet 1:
In miene binnekantj dao kriebelt ‘t al waeke
En miene lach dae krieg ich neet mieër van mien sjnoet
Ich höb de klok al dage lang väöroet gekaeke
Mer die wiezers gaon verrekte traog väöroet
Mien geduldj det is noe op, ich houw drie daag op die kis
Vanaaf noe veer ich non sjtop, ‘t allersjiekste waat d’r is

Refrein

Koeplet 2:
In miene kop is ‘t al dage vastelaovendj
En ich razel en ich wazel get biej ein
Ich kèn neet sjlaope, ich bön gans ongerstebaove
Mer volges mich höb ich die kriebels neet allein
Gans limburg sjteit noe klaor en houwjt drie daag op die kis
Väör t fiéësje van ‘t jaor, ‘t allersjiekste waat d’r is

Tössensjök:
Dich en wae weite waal,
wie dae vlinder vlege kèn
Hae vloog van dich gans door de zaal
zoeë nao mich mien hertje in

Refrein