Lètste noets

Leef Jeugdkwiebusse en Jeugdkwiebussinne,

Zo wie aangekondigdj haet de vastelaovesvereiniging same mèt de jeugdvastelaovesvereiniging bedach om väör uch eine kläörwèdsjtrieëd te haoje! In deze gekke tiëd woeë in wae ’t leefst oet os daak zooje wille gaon bië de Haammaeker mer waat helaas neet kan dit jaor wille we ouch aan eure vastelaovestiëd ein klein bietje kläör gaeve. Alle kinjer van de Basissjoeël van groep 0 tot en mèt groep 8 moge mètdoon!

’T kan neet gek genog t is tenslotte vastelaovendj! Kläör, knip, plek, vèrf, sjèlder, niet, stans, perforeer de kläörplaat die vanaaf goonsdig, 27 jannewarie besjikbaar is biè de Spar en binnekort op dees website.

Inlevere kan vanaaf donderdig 4 febuari toet en mèt zunjig 7 februari bië Spar Kuijpers! Ederein dae zien kläörplaat inleverdj kriegtj eine lekkere traktatie!

Väör de sjoeënste, sjiekste aller kläörriëkste kläörplaten zeen d’r priëze!! ´T bekèndj make van de prieze doon wae in de waek väör vastelaovendj.

Priëze in 4 categorieën: groep 0,1 en 2, groep 3 en 4, groep 5 en 6 en groep 7 en 8.

Väöl succes!!

Download hie de kläörplaat en print ze oet!

Haod mood…Kläöre duit dich good!