Lètste noets

Beste kwiebuskes en kwiebesinnekes,

de Aod Vorste kompenie,sjteit d’rom bekindj det ‘t ein sportive kompenie is.

Zoeë höbbe ze elk jaor eine fietstoch en laope ze met de vastelaovendj bienao alle polonaises mèt.

Óm uch deze vastelaovendj ouch oppe bein te kriege, want helaas zeen d’r gein aktiviteiten i.v.m ‘t cornavirus dit jaor, höbbe wae väör uch eine speurtoch bedach.

Dit geit ‘tzelfde as de welbekindje Baerespeurtoch dae väörig jaor lanjelik in ‘t laeve is geroope, allein geisse noe neet op zeuk nao Baere, mer nao Aod Vorste. Bienao alle Aod Vorste die nog actief zeen doon hie aan mèt en höbbe ein foto of poster van zichzellef wie ze Vorst woore väör de raam gehange. Dees blieve hange toet asgoonsig

Dus as gae mèt de aankomende drie vastelaovesdaag niks te doon höbtj, kèntj gae same mèt de pap of de mam op zeuk door Naer om d’r zo väöl meugelik te spotte (uiteraard de corona maatregelen hiebie naolaeve). Maak ouch aaf en toe ein leuke foto, en stuur dees in via de Facebook pagina van de Vastelaovesvereniging. Väör de 3 sjoeënste, meist originele foto's höbbe wae eine pries! De foto's kènne ingestuurdj wäöre toet en mèt zaoterdig 20 fibberwarie!

Zoeë blieft gae den ouch mét dees daag lekker actief bezig, en haope wae uch vólgend jaor allemaol weer truuk te zeen op ‘t Hummelkesbal, inne optoch en oppe Waerse maondjig.

Óngerstaondj is de link te vinje woeëdet gae de blaedjes kèntj downloaden om daonao oet te printen, hie sjtaon alle foto’s van Aod Vorste op die gae kèntj vinje door Naer.

Wae als Aod Vorste kompenie winse uch hie väöl plezeer bie en blief gezondj.

Download hie de bingokaart en print dees oet!